Америк-ийн тухай үргэлж л 'машиний нийгэм' гэж сонсож байсан болхоор ирээд харсан чинь үнэхээр л машингүй бол ажилж амьдрахад хэцүүхэн газар гэдгийг мэдэрж байна. Монголд байхад сайхан явган таваргадаг байсан болхоор машин тэрэг гэж сонирхож байсангүй, тэгээд Японд очсон чинь галт тэрэг метро нь дээр зэргээр хөгжсөн ямар ч машин тэрэг гэж бодогдох юм байсангүй явсаар үнэмлэх авахгүй өдий хүрсэн бөгөөд одоо л аргагүй хэрэг болж авах хэрэгтэй болж ирдэг юм байна.
Америкт ирснээс хойш анх удаа бие дааж татварын мэдүүлгээ хийж үзсэн тул жоохон бичиж үлдээе. Японд байхад цалингаас өөр бүртгэх хэмжээний орлого байгаагүй бол өөрөө татвартай зууралдах шаардлага байдаггүй, жилийн эцэст нэг удаа 'year-end tax adjustment' гэж нэг цаас бөглөж өгөөл дуусаа. Компаниуд болон албан байгууллагууд нь цалин дээрээс чинь татварыг нь бодож аваад, чамд өөрөө дараа нь бичиг цаастай ноцолдох хэрэггүй болгож хөнгөвчилж өгдөг.
Гэвч Америкт бол байдал шал өөр байдаг юм байна, цалингаас чинь татвар суутгаж явж байгаад он гарсны дараа сүүлийн тооцоогоо өөрөө бие дааж хийж илүү дутуу төлсөн татвараа гүйцээдэг журамтай юм байна. Анхний жил олон улсын шилжилт хөдөлгөөн гээд төвөгтэй учираас ажилийн газраас нэг гадны компанид хариуцуулаад бүгдий нь тооцуулж байсан. Тэр үед бараг жил болгон ингээл болчдог юм байна гэцэн амархан бодолтой явж байсан чинь энэ жил гэнэт өөрөө хийх болоод хэсэг л баахан зууралдав.
Сүүлийн үед нилээн тархаж хүчээ авч байга Competitive/Sport Programming (CP)-ийн талаар жоохон өөрийн бодолоо бичье. CP гэдэг нь програмчлалаар бодлого бодон уралдаж, хэр зөв бөгөөд хурдан прорам бичиж байгаа нь ялагч болдог уралдаан юм. 10 жилийн хүүхдүүдийн дунд мэдээлэл зүйн олимпиад гэж болдог, бас их сургуулын оюутнууд дунд ч бас ICPC гэж тэмцээн байдагтай бараг адилхан бөгөөд онлайн хэлбэрээр хэн ч оролцох эрхтэй гэдгээрээ онцлогтой юм.
Happy Pi Day! Софтвэйр-ийн хөгжүүлэлтийн орчинд ажиллаж байхад маш их сонсогддог нэгэн зүйл бол Customer Obsession гэдэг үг юм. Дахин дахин энд тэнд гарч ирээд л байхаас яг ийм тийм гэсэн үйлдэл болон гүйцэтглийг хэлнэ гэж тодорхой сонсож байсан удаа ерөөсөө байхгүй санагдаж байна. Миний өөртөө тодорхойлж ойлгож байгаа зүйлээ нэг эмхэтгэх гэж үзье.
 |
| How to meet customer's expectation |
Америк бол IT-ийн орон, тиймээс энд энэ чиглэлээр ажиллаж сурж амьдарж байга болчууд нилээд байдаг. Монгол ITчид ямархуу байдлаар нийлж хамтарж комьюнити үүсгэж байга талаар өөрийн олж мэдсэнээ хуваалцъя.
Mongolian IT Professionals in USA (MITPU) | Facebook
Миний олж мэдсэнээр хамгийн том комьюнити нь. ФБ пэйж дээрээ голлон үйл ажиллагаа явуулдаг, дээрээс нь подкаст болон вэб хуудастай. ФБ нь прайвэйт, урилгаар юмуу өөрөө анкет бөглөж байж элсэж болно, гол нь IT хамааралтай салбарт сурдах юмуу ажилладаг бөгөөд АНУ-д байрладаг байх гэсэн шалгууртай байх.
Зарим нэг үйл ажиллагаанаас нь дурьдвал, сар болгон гишүүд дунд онлайн hangout event болж, бэлтгэсэн яриа сонсох юмуу чөлөөт ярилцлага хийдэг. Гишүүдээсээ интэрн болон ажлын байрны referral хийж байга харагдсан. Алгоритм чиглэлээр бас блог контэнт бэлдэж гаргадаг. Өөр бас олон төрлийн нийтгмийн төлөө гэсэн сайн дурын ажилууд бас явагдаж байга байх, гишүүн нь болоод өөрсдөө сонирхоорой.
За тэгээд эндээс төрөн гарж буй шинэ startup-уудын талаар гэвэл, миний олж харсанаар хэд хэд лав байх шиг байна. Ийм ажилттай ажилууд улам олон болж, олон Монголийн эдийн засагт том хувь нэмэр оруулдаг өдөр удахгүй ирэх байхаа гэж итгэж байна.
Он гарснаас хойш хэсэг завгүй явж байсны эцэст кодинг спринт дуусав. Өмнө хэлж байснаар манай баг жилд 3-н удаа шинэ feature release гаргадаг тул, тэрийгээ код болгож бичиж байх үе-ийг кодинг спринт гэж нэрлэдэг юм. Жилийн эхний спринт нь их богинохон байдаг болхоор амжуулж юм дуусгах гэж нилээн чармайх хэрэгтэй болно. Яагаад гэвэл өмнөх жилийн 12 сард нь амралт ихтэй хүмүүс олдохгүй олигтой ажил урагшлахдаа тааруухан, тэгээд он гаргаад зөвхөн 1сар л үлдэх нь тэр. Бэлтгэл сайтай байсан бол 4 долоо хоногт бас амжих юм нь амжина, муутай бөгөөд олон блокинг асуудалтай бол тэгээд хамаг цаг аваад хаячих нь тэр.
Та бүхний хэрэглэдэг өдөр тутмын софтвэйр болон онлайн сэрвис, эсвэл мобайл апп чинь үргэлж шинэчлэгдэж, өөрчлөгдөж, шинэ фунц болон UX нэмэгдэж байдаг гэдгийг мэдэх байх, За тэгвэл тийм функц-ууд нь ямархуу байдлаар хөгжүүлэлт хийгдэж хэрэгчид дээр очидог тухай жоохон өөрийнхөө харсан үзсэн өнцгөөс танилцуулъя.
Манай багын үндсэн продакт маань бараг 30-аад жилийн настай Configuration Manager гэдэг Windows компьютеруудыг нэг дороос цогцоор нь менежетмент хийх зориулалттай софтвэйр байдаг. Сэрвэр болон клиэнт ээс бүрдэнэ, сэрвэрүүд нь Windows Server дээр суулгасан байдаг, клиэнтүүд нь ердийн Windows компьютер дээр суулгасан Windows аппликэшон юм.
 |
| Configuration Manager |
За бүгдэд нь шинэ оны мэнд! Энэ удаа амьдрах өртгийн ранкаар нилээн дэгүүрт ордог Токио болон Сиатл хотуудын хооронд ямар ялгаа харагдаж байга тухай тэмдэлэе. Байршилын тухайд гэвэл, Токио хотод Ота дүүрэгт байсан, Сиатл-д бол Рэдмонд хоттой харицуулж байна, ам бүл 5 уулаа амьдардаг. Ерөнхийдөө Япон Америкийн амьдрах өртөг 1.5-2.0 дахин ялгаа харагдаад байгаа. ($1 = ¥104)
За ингээд 2020 оны хамгийн сүүлийн постыг бага ч гэсэн эерэг сэдвээр бичие гэж шийдлээ. Хүн болгоны хувьд амаргүй жил болсон болвуу гэж бодож байна. Жилийн ихэнхийг гэртээ хоригдож өнгөрүүлсэн болохоор оффисоо л нилээн санаж байна да хэхэ. Энэ удаа компаниудад түгээмэл байдаг мораль ивэнт - ийн тухай оруулъя.
 |
| Source: gethppy.com |
Програм бичдэг ажил хийе гэж бодож л байвал хүн болгоны тойроод биш заавал дайрч гарах ёстой мөнхийн сэдэв Coding Interview билээ. Дээрээс нь нэг л ороод авбал дахиж хэрэггүй юу гэвэл тийм биш, дахиж ажил болон компаниа солих болгонд дахин дахин дайрж гарах хэрэгтэй болно, бүүр менежер ч юмуу директор болоод код бичихээ болих мэстрүү орж байга бол арай ч кодинг асуухгүй байх, жоохон хэнээтэй хүнтэй таарчих юм бол самбар дээр код бичүүлэх гээд зогсож байж ч мэдэх юм. Миний хэлэх гээд байга юм гэвэл энэ сэдэв бол мөнхийн зүйл учраас орох гэж байга болон орсон хойноо яаж бэлдэх болох сэргээж явах вэ гэдэг талаар өөрийн хэдэн бодлоо бичмээр санагдав.
Өөрийнхөө ажлын орчины тухай жоохон тэмдэглэе. Манай баг open space хэлбэрийн том өрөөнд өөр хэдэн багтай хамтдаа байрладаг. Баг болгон өөрийн арал гээд нэрлэчихсэн залгаатай байрлуулсан хэдэн ширээтэй хэсэгт өөр өөрийн эзэмшилийн ширээн дээр ажилаа хийнэ. Дундаа нэг мийтинг өрөөтэй, тийшээгээ онгорхой байвал гялс ороод онлайн мээтинг хийж болно. Зарим нэг багийхан тусдаа өрөөнд суудаг ч байдаг надад бол нээх таалагддаггүй, хүний өрөөлүү дахин дахин очиж юм асуух гэж төвөг.
Майкрософт-ийн төв Redmond кампусын талаар товчхон танилцуулъя.
1.Buildings
Redmond хот нь Сиатл-аас зүүн тийшээ машинаар 30-40 минутын зайд байдаг суурин газар бөгөөд, Майкософт нь анх 1986 онд анхны оффисоо нүүлгэж ирсэнээс хойш өдгөө 200 га талбайд 90 орчим барилгатай, 35 мянган ажилчин орж гардаг суурин кампус байгуулжээ.
 |
| Redmond Campus |
Ирсний дараа эхний 2 сар ч төвхнөх гэж нилээн бужигнана, юу ч гэсэн санаж байгаагаа бичиж үлдээе. Ирсний дараах наад захын хэрэгцээтэй процесс, бичиг баримт бүртгэл зэрэгт туслах хүн гаргаж өгөх сэрвис relocation support - д багтсан байсан. Доорх бичсэн лист дотроос интэрнэт-ийг л бие дааж очиж бүртгүүлсэн юм байна, бусдыг нь дандаа нөгөө хүнтэй хамт очиж хийсэн. Жолооны үнэмлэхгүй дээрээс нь бага насны хүүхэдтэй манайхд тааруулж, тус тусад нь авч явах, 2 дахин очих гэх мэт нилээн цаг зарцуулачих шиг болсон.
Албан ёсоор оффер авснаас эхлээд шинэ ажилын өдөр хүртэлх 3 сарын хугацаанд виз болон нүүлгэлтийн процэсс явагдсан. Энэ постдоо арай тодорхой бичье гэж бодож байна. Юумыг яаж мэдэхэд хэн нэгэнд хэрэг болж мэднэ. Улс дамнаж компани доторх нүүдэл хийж байга боловч Япон талын компаниас албан ёсоор гарж, Америк талдаа маргааш нь орох ёстой байдаг. Өөрөөр хэлбэл өмнөх газраасаа ямар ч бүртгэлгүй болж хасагдана гэсэн үг. Тэтгэвэр/Pension төлөлт зогсоно. Бүх төрлийн даатгалууд/Health/Insurance зогсоно. Япон талын виз хүртэл хугацаа нь дуусахаар зогсоно. Би байнгийн суугч/permanent resident -ийн үнэмлэхтэй тул дахин орох тамга даруулж аваад гарсан. 3 жил хүчинтэй юм байна. Leaving Allowance/Тайшокүкин бас гарж байга болхоор авна.
Ярилцлагаа амжилттай давсан одоо удахгүй албан ёсны оффер нь гараад ирэх байх гэсэн хүлээлттэй Токио-д буув. Менежерээс ямар нэг тодорхой хугацаа сонсоогүй болохоор дахин дахин шалгаагаад ядаргаатаад байх нь ч хаашаа юм гээд 14 хоноод нэг юу болж байна гэж имайлдчээл яваад байсан нэг мэдсэн 2 сар шахуу өнгөрөв. Энэ хугацаанд арай болоогүй байнаа шийдвэртэй юм гарвал чамд хурдан дуулганаа гэсэн л хариулт ирж байсан, цаагуураа яг юу болж байгааг мэдэх аргагаүй байв. ингэж явж байтал бараг 3 сарын дараа нэг өглөө босоод имайлээ харсан чинь хариу ирсэн байв, нээгээд үзтэл "Удаан хүлээгэсэнд уучлаарай энэ удаа орон тооны зохицуулалт нь болсонгүй шинээр хүн авах боломжгүй боллоо" гэсэн байв.
Эхний блогоороо яаж яваад Америкд ирэх болсон тухайгаа бичье гэж бодлоо. 2018 оны өвөл манай компанын ээлжит дотоод ажилчидын конфэрэнц Сиатл хотод болсон юм. Манай багаас нэгэн ахлах инженер ах болон надад явж номын дуу сонсож ирэх ээжилт үүрэг оноогдов. Энэхүү конфэрэнц нь TechReady гэдэг нэртэй бөгөөд жилд 2 удаа Сиатл болон өөр нэгэн хотод (сүүлийн үед Атланта-д олон) зохион байгуулагдаж, дэлхийн өнцөг булан бүрээс бараг 10,000 орчим Майкрософтын ажилчид хуран цугларан, төвөөсөө (headquarter) шинэ технологи ба бизнэсс орчины тухай тархиа цэнэглэх боломж олгодог юм. Голцуу sales, marketing, customer & support чиглэлийн салбарт ажилдаг хүмүүс оролцдогоороо онцлог. Миний хувьд урд нь 2015 онд нэг оролцож байсан бөгөөд энэ удаа 2 дахь боломж нь байсан.
АНУ-ын Сиатл хот дахь Майкрософт компанид ажиллахаар шилжин ирсэнээс хойш жил гаран болж байна. Өмнө нь далайн цаадах Токио хотод дахь тус компанийн салбарт нь 7 жил ажилласан туршлагатай ч ажиллах нарийн хэлтэс болон амьдрах орчин эрс тэс өөрчлөгсөн болхоор шинэлэг сонин содон санагдсан зүйлүүдээс бичиж сонирхуулна гэж бодож байна. Ерөнхийдөө технологийн тухай их орох боловуу, гэхдээ дээрээс нь Америкт амьдрах ямар байх талаар бас аль болох оруулахыг хичээх болно.
